Ճապոնիայի արտաքին գործերի նախարար Յոսիմասա Հայասին եւ նրա գերմանացի պաշտոնակից Աննալենա Բերբոքը հուլիսի 11-ին Տոկիոյում կայացած բանակցությունների ընթացքում հանդես են եկել երկու երկրների փոխգործակցության ամրապնդման օգտին: Ինչպես նշում Է Kyodo գործակալությունը, համապատասխան հայտարարությունն արվել Է՝ հաշվի առնելով Չինաստանի աճող ակտիվությունը Հնդա-խաղաղօվկիանոսյան տարածաշրջանում:
Բացի դրանից, արտաքին քաղաքական գերատեսչությունների ղեկավարները համաձայնության են եկել «նպաստելու Ուկրաինայից հացահատիկի ատահանմանն Աֆրիկայի եւ Մերձավար Արեւելքի երկրներ պարենային ճգնաժամի ֆոնին»: Բացի դանից, Հայասին բանակցությունների ընթացքում «մտադրություն Է հայտնել շարունակել պատժամիջոցներ կիրառել Ռուսաստանի նկատմամբ եւ աջակցություն ցույց տալ Ուկրաինային Գերմանիայի հետ համագործակցությամբ», նշում Է գործակալությունը: Ճապոնիայի նախարարը նաեւ ընդգծել Է «Ճապոնիայի եւ Գերմանիայի գործընկերության կարեւորությունը 2023 թվականին Հիրոսիմայում Յոթի խմբի հաջորդ գագաթնաժողովի հաջող անցկացման համար», հաղորդել Է ՏԱՍՍ-ը:
