«Ուկրաինայի դեմ Ռուսաստանի սանձազերծած ագրեսիայի պայմաններում ոչ մի երկիր չի կարող չեզոք մնալ։ Ոչ ոք չի կարող իրեն ապահով զգալ մի աշխարհում, որտեղ ուժի անօրինական կիրառումը նորմալ է կամ հանդուրժելի». այս մասին հայտարարել է ԵՄ դիվանագիտության ղեկավար Ժոզեպ Բորելը՝ G20-ի արտգործնախարարների հանդիպման բացման ժամանակ։
Բորելը իր Twitter-յան միկրոբլոգում նշել է, որ այս հանդիպումն ընթանում է «Ուկրաինայի դեմ Ռուսաստանի սարսափելի պատերազմի» ծանր համատեքստում։ «Ռուսաստանի ագրեսիան միջազգային իրավունքի բացահայտ խախտում է, հանգեցնում է աշխարհակարգի մասնատմանը և սպառնում համաշխարհային տնտեսությանը»,- ընդգծել է նա։
