Հուլիսի 1-ից Ռուսաստանի կենտրոնական բանկը ֆիզիկական անձանց համար բարձրացնում է արտասահման ուղարկվող փոխանցումների սահմանաչափը՝ ամսական $150 հազարից մինչեւ $1 միլիոն։ ՌԴ ԿԲ ղեկավարը այս մասին հայտարարել է հունիսի 26-ին՝ ասելով, որ Հուլիսի 1-ից ՌԴ ռեզիդենտ ֆիզիկական անձինք իրավունք ունեն մեկ օրացուցային ամսվա ընթացքում ռուսաստանյան բանկում իրենց հաշվից փոխանցել ոչ ավել, քան $1 միլիոն կամ այլ արտարժույթով համարժեք գումար արտասահմանում գտնվող իրենց հաշվին կամ մեկ այլ անձին»:
Ի դեպ, նույն սահմանաչափն է գործում նաև բարեկամական պետություններից ռեզիդենտ ֆիզիկական անձանց փոխանցումների համար։ Կարծես պարզ է, որ մեր ԿԲ-ն ևս երբեք չէր բախվել նման ծավալ շրջանառության այն էլ կտրուկ աճի ու հոսքերը կառավարելի ու վերահսկելի պահելու խնդիր կա։ Խնդիրն այն է, որ ՌԴ քաղաքացիները, որոնք ցանկանում են ներդրումներ անել Հայաստանում՝ չսկսեն կարծել, թե ՀՀ-ն խոչընդոտում է այդ ներդրումներին ու որոշում կայացնեն առհասարակ հեռանալ այստեղից։ Ապա որտեղ է լուծումը։ Ինչ պիտի անի պետությունը, որպեսզի ռուսական փողը գա ու մնա Հայաստանում՝ թարմ արյուն ներարկելով մեր տնտեսության մեջ։ «Առաջին լրատվական»-ը թեմայի շուրջ զրուցել է tvyal.com կազմակերպության ղեկավար, ՀՊՏՀ դոցենտ տնտեսագետ Աղասի Թավադյանի հետ։