Ինչպես հայտնի է՝ Վրաստանում դոլարի առքի ու վաճառքի տարբերությունը հարյուր դոլարի մեջ մեկ լարի է, որը դրամի վերածելու դեպքում կազմում է մոտավորապես 150 դրամ։ Այսինքն՝ փոխանակման կետը ամեն հարյուր դոլարից ունենում է 150 դրամ օգուտ։ Իրավիճակը Հայաստանում էլ այսպիսին է՝ 100 դոլարի առք ու վաճառքի տարբերությունը փոխանակման կետերում այս պահի դրությամբ՝ 800 դրամ է, բանկերում՝ 1000 դրամ։ Ամեն հարյուր դոլարից (41 000 դրամից) 800-1000 դրամ նվիրում ենք ոչ մի բանի համար։
տնտեսագետ Ալբերտ Հայրապետյանն է«Առաջին լրատվական»-ի հետ զրույցում նշեց, որ արտարժույթային այս վիճակը պայմանավորված է նրանով, որ Վրաստան ամսական կապիտալն այնքան չի հոսում, այնտեղ չկան անկանխատեսելի հոսքեր, հետևաբար նրանք կարծում են, որ ապահովագրված են։ Հաջորդ պատճառն այն է նաև, որ իրենց Կենտրոնական բանկը գուցե ավելի ագրեսիվ է արձագանքում ցանկացած տատանմանը և վերջնարդյունքում՝ տատանումներ թույլ չի տալիս, այսինքն՝ շուկան ողողում է արտարժույթային միջոցներով՝ իրենց ազգային արժույթի՝ լարիի, փոխարժեքը կայուն պահելու համար։
Պարոն Հայրապետյանը նաև ասաց, որ թեման ավելի խորքային ուսումնասիրության կարիք ունի, որից հետո հանդես կգա համապատասխան գրառմամբ։
