Աշխարհի Եզդիների և քրդերի միության առաջնորդ Ազիզ Թամոյանն այսօր մեզ հետ զրույցում անդրադառնալով արտագաղթի խնդիրներին՝ նշեց, որ ինչպես հայերն են արտագաղթում, այնպես էլ եզդիները: Եզդիները հիմնականում գնում են Ռուսաստան: Իսկ արտագաղթի պատճառը տնտեսական վիճակն է:
Ազիզ Թամոյանի խոսքերով, մարդահամարի 2001 թ.-ի տվյալներով 40 հազար եզդի է ապրել Հայաստանում: Իսկ ներկա պահին ոչ ոք չի կարող ասել, թե քանի եզդի կա և քանիսն են գնացել:
Մեր այն հարցին, թե ի՞նչ խնդիրներ ունեն՝ պատասխանեց, որ ինչ խնդիրներ ունի հայ ժողովուրդը, նույն խնդիրները հավասարապես ունեն նաև իրենք: Տարբերություն չկա, սովորական կենցաղային և տնտեսական խնդիրներ են: «Բայց ինձ թվում է, որ վիճակը կբարելավվի, որովհետև եզդիների ոչխարների քանակն ավելացել է»,- ավելացրեց Ազիզ Թամոյանը:
