Նիգերիայի մայրաքաղաք Աբուջայում պայթեցվել է ՄԱԿ-ի գրասենյակը: Այս մասին հաղորդում է Reuters գործակալությունը` հղում կատարելով տեղի ոստիկանությանը: «Ես կարող եմ հաստատել, որ պայթյունը տեղի է ունեցել ՄԱԿ-ի շենքում»,- ասել են ոստիկանությունում:
«Մենք այստեղ ենք բերել զորքեր և սակրավորներ: Դեռ չենք կարող ասել, թե որքան մարդ է զոհվել»,- ասել է աղբյուրը: Ժնևում ՄԱԿ-ի ներկայացուցիչը նույնպես հաստատել է այս տեղեկությունը: Ականատեսները պատմել են, որ շենքից դուրս են բերվում մարդկանց մարմիններ:
Նախանական տվյալներով, զոհվածների թիվը հասնում է առնվազն 12-ի:
