Ժողովրդագետ Արտակ Մարկոսյանը ֆեյսբուքյան իր էջում գրել է.
Ժողովրդագրական ներկայիս իրավիճակի վերաբերյալ տեղեկատվությունը այս տարվա 4 ամիսների կտրվածքով այնքան էլ բարենպաստ չէ։
2022 թվականի հունվար֊ապրիլին, նախորդ տարվա նույն ժամանակահատվածի համեմատ ունենք ծնունդների լուրջ անկում, որը կազմել է 7.3 տոկոս կամ բացարձակ թվով ֊836 երեխա(2021 թվականի հունվար֊ապրիլ` 11501 երեխա, 2022 թվական` 10665 )։ Սա վերջին 2 տարիների ամենավատ ցուցանիշն է, որը որոշ իմաստով անսպասելի էր։
Մյուս կողմից, ուրախալի է այն հանգամանքը, որ մահերի թիվը ևս նվազել է 7.3 տոկոսով կամ 845 դեպքով և կազմել է 10700 մահվան դեպք։
Չնայած մահերի դեպքերի նվազմանը, ՀՀ֊ում 2022 թվականի հունվար֊ապրիլին գրանցվել է բնակչության դեպոպուլյացիա, այսինքն մահերը գերազանցել են ծնուդներին (֊35)։ Հայաստանի անկախ պատմության մեջ սա ամբողջ հանրապետության կտրվածքով առաջին դեպքն է։
Ծնունդների նվազման առումով խնդրահարույց է այն հանգամանքը, որ ծնուդների ամենալուրջ անկումը գրանցվել է մայրաքաղաք Երևանում, (2022 թվականի հունվար֊մարտին նվազել է 35.5 տոկոսով կամ 1417 երեխայով) թեև վերջին տարիներին հենց Երևանն էր ծնունդների իմաստով առաջատարը և ապահովում էր բնական դրական աճի մինչև 80 տոկոսը։