Ղազախստանի նոր Սահմանադրությամբ «Ղազախստանի առաջին նախագահի՝ ազգի առաջնորդի մասին» օրենքը, որը մի շարք արտոնություններ Էր տալիս Նուրսուլթան Նազարբանեւին ու նրա ընտանիքի անդամներին, կորցրել Է ուժը: Այդ մասին, լրագրողներին ասել Է հանրապետության խորհրդարանի սենատի խոսնակ Մաուլեն Աշիմբաեւը:
«Ինչ վերաբերում Է Ելբասին (ազգի առաջնորդ), ապա մենք վերացրել ենք այն նորմերը, որոնք վերաբերել են Ելբասին, նրա ընտանիքի անդամներին: Այժմ ուժը կորցնում Է «Ղազախստանի առաջին նախագահի մասին» սահմանադրական օրենքը»: Եթե մենք այն հանել ենք Սահմանադրությունից, ապա ուժը կորցնում Է նաեւ այդ օրենքը»,-ասել Է Աշիմբաեւը:
«Ղազախստանի առաջին նախագահ Նուրսուլթան Նազարբանեւն այսօրվա դրությամբ չի միջամտում քաղաքականությանը: (…) Իհարկե, զանգվածային միջոցառումներին, ինչպիսիք հանրաքվեներն են, ընտրություններին, նա կարող Է մասնակցել որպես երկրի քաղաքացի: (…) Բայց որպես քաղաքական գործիչ, որպես առաջին նախագահ չի միջամտում Ղազախստանի քաղաքականությանը,-ասել Է խոսնակը:-Մենք չենք խորհրդակցում առաջին նախագահի հետ: (…) Ներկայում իշխանական բոլոր ճյուղերը, բոլոր պետական մարմիններն իրենց լիազորություններն իրականացնում են օրենսդրական մակարդակով»:
Հունիսի 5-ին Ղազախստանում անցկացվել Է Սահմանադրության ուղղումների շուրջ հանրաքվե:
Հիմնական օրենքի փոփոխությունը պաշտպանել Է ընտրողների 77,18 տոկոսը՝ 68,05 տոկոս մասնակցության դեպքում: Հավանության արժանացած փոփոխություններն ուժի մեջ են մտել 2022 թվականի հունիսի 8-ին, հաղորդել Է «Ինտերֆաքս»-ը
