Եվրոպական ընկերությունները շարունակում են պատրաստվել ձմռան սեզոնին եւ գազ ներմղել ընդգետնյա պահեստարաններ. դրանց միջին մակարդակը գերազանցել Է 50 տոկոսը: Այդ մասին, վկայում են Gas Infrastructure Europe-ի (GIE) տվյալները:
Եվրոպայի գազի պահեստարանների լցվածության մակարդակը, հունիսի 8-ի առավոտվա տվյալներով, կազմել Է 50,24 տոկոս (մեկ օրում աճը՝ գրեթե 0,4 տոկոսային կետով):
Դրանցում գազի ընդհանուր ծավալը հասել Է մոտավորապես 53,3 միլիարդ խորանարդ մետր: Գազի ներմղումը պահեստարաններ այս տարի սկսվել Է մարտի 19-ին (սակայն մարտի վերջին-ապրիլի սկզբին եվրոպական ընկերությունները ոչ երկար ժամանակով գազառքին վերադարձան ցուրտ եղանակի պատճառով):
Այն ժամանակ գազի ստորգետնյա պահեստարանների լցվածության մակարդակը կազմում Էր 25,5 տոկոս՝ 27,4 միլիարդ խորանարդ մետր: Եվրոպան նպատակամիտված Է մինչեւ նոյեմբերի 1-ն իր պահեստարանները լցնել առնվազն 80 տոկոսով, հաղորդել Է ՌԻԱ Նովոստին: