Freedom House-ի հայաստանյան ներկայացուցիչ Անդրանիկ Շիրինյանը ֆեյսբուքյան իր էջում գրել է. Այս շարժման սկսվելու պահից իրավապաշտպանները, քաղհասարակությունն ու քաղաքականապես ակտիվ մարդիկ թիրախավորման, ատելության խոսքի կենտրոնում են, ենթարկվում են վերբալ ու ֆիզիկական բռնության օնլայն ու օֆֆլայն, հստակ ուղերձներ են հնչում շարժման առաջնորդների, աջակիցների կողմից, որ հաջողության հասնելու դեպքում առաջին թիրախը Ռուսաստանի օրինակով հենց այս անձինք են լինելու: Հնչում են վրեժխնդրության կոչեր 2018 թվականի Հեղափոխության համար, որպես քաղհասարակության շնորհիվ տեղի ունեցած իրադարձություն:
Իմ համար առնվազն զարմանալի է, որ որոշ «առաջադեմ» մարդիկ այնքան կտրված են քաղաքական գործընթացներից, որ մեղադրում են այս ուժերի կողմից թիրախավորման կենտրոնում գտնվող անհատներին այս ուժերին չպաշտպանելու համար:
