Այսպես, հայ-ադրբեջանական գործընթացներն այժմ ընթանում են երկու զուգահեռ հարթություններում, Մոսկովյան և Բրյուսելյան։ Զուգահեռ, Բաքուն նման էսկալացիաների է գնում, ապատեղեկատվություն տարածում՝ ճնշելու հայկական կողմին բանակցային բոլոր հանդիպումների ժամանակ։ Սա նորություն չէ։
Իսկ այդ բանակցությունները, վերջապես, ընթանում են հենց Բրյուսելյան ու Մոսկովյան հովանոցների տակ։ Սակայն, ինչն ավելի ուշագրավ է, Բաքուն սահմանային կրակոցների մասին ապատեղեկատվություն է տարածում մեծամասամբ հենց Մոսկվայի հովանու տակ անցնող հանդիպումներից առաջ ու ընթացքում։ Թե որքանով է սա պայմանավորված Կրեմլի քաղաքականությամբ, և արդյո՞ք Կրեմլին ևս ձեռնտու է հայկական կողմի ճնշվածությունը սեղանի շուրջ, արյդո՞ք Մոսկվան և Բաքուն համատեղ են դրդում Երևանին ցանկալի լուծումների՝ պարզ կդառնա ըստ իրադարձությունների զարգացման։ Ինչի՞ են տանում Հայաստանը բոլոր կողմերը։ Հնարավո՞ր է հասնել կոնսենսուսի։ Ում են շարունակաբար ստիպելու զիջել։ Թեմայի շուրջ «Առաջին լրատվական»-ը զրուցել է կոնֆլիկտաբան Արիֆ Յունուսովի հետ։
