ՆԱՏՕ-ում պետք է լուրջ ուշադրություն դարձնեն այն խնդիրներին, որոնք ակնհայտ են դարձել Լիբիայում սկսված պատերազմի ժամանակ: Այս պահին անհրաժեշտ է լուրջ հետևություններ անել, այլ ոչ թե ցնծալ ներլիբիական զարգացումների հաջող ընթացքի պատճառով, ասել է ՆԱՏՕ-ում ԱՄՆ նախկին դեսպան Կուրտ Վոլքերը` Foreign Policy հեղինակավոր ամսագրին տված հարցազրույցում:
«Հավատացե՛ք համոզված ատլանտիստին. չնայած դրական ելքին, սխալ կլիներ սա համարել ՆԱՏՕ-ի հաջողությունը»,- ասել է նա: Որպես իր խոսքերի ապացույց նա թվարկել և վերլուծել է այն հիմնական խնդիրները, որոնք առաջացել են այս ընթացքում` սկսած որոշումների կայացումից, մինչև երկրների ներգրավվածությունն այս գործողություններին:
Վոլքերը նշել է, որ կիսատ էր և թերի այն առաքելությունը, որ ստանձնել էր ՆԱՏՕ-ն Լիբիայում, այն է` պաշտպանել բացառապես քաղաքացիական բնակչությանը և հումանիտար օգնություն ցուցաբերել: Նրա խոսքերով, այն, որ Մեծ Բրիտանիան, Ֆրանսիան և Իտալիան հատուկջոկատայիններ ներգրավեցին այս գործողությունների վերջին փուլին՝ ոչ թե ՆԱՏՕ-ի պաշտոնական դիրքորոշումն էր, այլ արվել էր ի հեճուկս դրա:
