Արդար Հայաստան կուսակցության նախագահ Նորայր Նորիկյանը ֆեյսբուքյան իր էջում գրել է.
Փողոցում հայտնված քաղաքական ուժերի ֆիասկոն աչք է ծակում։
Ու որքան անիրական է դառնում իրենց օրակարգի կենսագործումը, այնքան ավելի ագրեսիվ են դառնում նրանց նոսրացող շարքերը։
Այնպիսի տպավորություն է, որ այս գործընթացը ղեկավարող որոշ մարդկանց համար ստեղծված փակուղուց դուրս գալու միակ ելքը փողոցում արյուն թափելն է, որ առաջիկայում շահարկման թեմա լինի, որպեսզի մնան քաղաքական խաղի մեջ…
Ազնիվ կլինի, եթե ժողովրդի հետ մինչև վերջ անկեղծ լինեք և հայտարարեք, որ Ձեր մոտ չի ստացվում հասնել Ձեր առջև դրված խնդիրների լուծմանն ու գնաք տուն։
Վստահ եմ՝ Ձեր այդ խոստովանությունն ավելի լավ կընդունվի ժողովրդի կողմից, քան այս անարդյունք պնդաճակատությունը, որը տևում է արդեն 4 տարի․․․
