Հանրության շահերի տեսանկյունից չափազանց կարևոր է ունենալ ուժեղ, կայացած ընդդիմություն։ Ընդդիմություն, որի քննադատությունից և գործողություններից կվախենա օրվա իշխանությունը։ Ուժեղ կառուցողական ընդդիմության առկայությունը բխում է նաև հենց այդ իշխանության շահերից, ինչը թույլ է տալիս տարբեր հարցերում ավելի ճկուն լինել, ինչպես նաև երես չառնել։ Ինչ է կատարվում այսօր Հայատսանի ներքաղաքական դաշտում, ներքաղաքական գործընթացները «Առաջին լրատվական»-ը քննարկել է «Ինքնիշխան Հայաստան» Կուսակցության նախագահ Դավիթ Սանասարյանի հետ։
Դավիթ Սանասարյանի խոսքով՝ ուժեղ պետության հիմքը կայացած քաղաքական դաշտն է․ «ԱԺ-ում ունենք «ընդդիմություն», որը ուժեղացնում է բացառապես իշխանությանը, ոչ թե պետությանը: Իշխանության համար ձեռնտու է, որ այս ընդդիմությունն է փողոցում, որը չունի հանրային աջակցություն»:
Սանասարյանը կարծում է, որ այս շարժման սցենարիստը Ռուսաստանում է․ նպատակը՝ կառավարելի ընդդիմություն և իշխանություն ունենալն է․ «Հեղաշրջման վտանգ կա: Ինչու Քոչարյանն ու Սարգսյանը հարթակից ելույթ չեն ունենում, լուծումներն ասում, որովհետև օրակարգ չունեն: Ընդդիմությունը խաղադրույք ունի, անցնելու են ագրեսիվ գործողությունների Ընդդիմության սցենարիստների մշակված սցենարը «Ղազախստան-2» անելն է և Հայաստանը զրկել ինքնիշխանությունից»:
