Ուկրաինայի իրադարձություններն Էապես վատթարացրել են փախստականների վիճակն ամբողջ աշխարհում: Այս կարծիքն Է հայտնել Գերմանիայում ՄԱԿ-ի Փախստականների գործերով գերագույն կոմիսարի վարչության գրասենյակի ղեկավարի պաշտոնակատար Ռոլանդ Բանկն ապրիլի 22-ին Funke մեդիախմբին տված հարցազրույցում:
«Հակամարտությունն Էլ ավելի Է սաստկացրել աշխարհում մոտավորապես 84 միլիոն տեղահանված անձանց շատերի վիճակն այն բանից հետո, երբ պարենն ամբողջ աշխարհում արդեն դարձել Է դեֆիցիտ եւ զգալիորեն թանկացել Է»,- Նշել Է Բանկը:
Բացի դրանից, նա ընդգծել Է, որ վառելիքի գների աճը նույնպես նոր խնդիրներ Է ստեղծում ՄԱԿ-ի փախստականների վարչության մարդասիրական մատակարարումների եւ աշխատանքի համար:
Ապրիլի 21-ին Միգրացիայի միջազգային կազմակերպությունը (ՄՄԿ), վկայակոչելով ապրիլի 11-ից մինչեւ 17-ը կատարված հետազոտությունը, հայտնել Է, որ Ուկրաինայի ավելի քան 7,7 միլիոն բնակիչ կամ բնակչության 17 տոկոսը դարձել ներքին տեղահանված անձ Ռուսաստանի հատուկ գործողությունն սկսվելու ժամանակից:
Այսպիսով, հիշյալ ժամանակամիջոցում երկրում ներքին տեղահանված անձանց թիվն աճել Է ավելի քան 600 հազարով: Իր հերթին ՄԱԿ-ի Փախստականների գործերի գերագույն կոմիսարի վարչությունը նշել Է, որ փետրվարի 24-ից մինչեւ ապրիլի 20-ն Ուկրաինան լքած մարդկանց թիվը հասել Է 5 085 219-ի: Այդ ժամանակամիջոցում Ռուսաստան Է ժամանել 563 266 փախստական, Լեհաստան՝ 2 847 540, Ռումինիա՝ 763 769, Հունգարիա՝ 476 213 փախստական, հաղորդել Է ՏԱՍՍ-ը: