Կարգավիճակի իջեցված նշաձողի դեպքում մարդիկ ինքնակամ լքելու են Արցախը: «Առաջին լրատվական»-ի հետ զրույցում նման կանխատեսում արեց քաղաքագետ Տիգրան Գրիգորյանը՝ անդրադառնալով ԱԺ-ում Նիկոլ Փաշինյանի ելույթին:
Հիշեցնենք, որ այսօր Նիկոլ Փաշինյանը ԱԺ-ում հայտարարեց, որ այսօր միջազգային հանրությունը Հայաստանին հստակ ասում է, որ լինել աշխարհի միակ երկիրը, որը երկկողմ մակարդակում չի ճանաչում Թուրքիայի դաշնակից Ադրբեջանի տարածքային ամբողջականությունը, մեծ վտանգ է ոչ միայն Արցախի, այլ նաև Հայաստանի համար։ Փաշինյանը հայտարարել է՝ միջազգային հանրությունն ասում է` մի փոքր իջեցրեք Լեռնային Ղարաբաղի կարգավիճակի հարցում ձեր նշաձողը, միջազգային մեծ կոնսոլիդացիա կապահովենք Արցախի ու Հայաստանի համար։ Հակառակ դեպքում` խնդրում ենք մեզ վրա հույս չդնել։
Քաղաքագետ Տիգրան Գրիգորյանը կարծում է, որ Փաշինյանի իջեցրած նշաձողով Արցախի անվտանգությունը չի ապահովվելու : Ադրբեջանը պարտադրում է իր դիրքորոշումը միջազգային հանրությանը․ «Ադրբեջանը էթնիկ զտում է անում Ացախում, ինչը հնարավորություն է տալիս Հայաստանին խոսել դիվանագիտական ասպարեզում: Չի բացառվում, որ Ադրբեջանը ավելի բարդ խաղ է խաղում»:
