«ԱրմենՏել» ընկերությունը (ապրանքանիշը` Beeline) հայտարարում է մայրաքաղաքում նոր Beeline վաճառքի և սպասարկման գրասենյակի բացման մասին: Գրասենյակը, որը գտնվում է Չարբախ թաղամասում` Արտաշիսյան 85/14 հասցեում, կաշխատի առանց հանգստյան օրերի` ժամը 9:00-ից մինչև 18:00-ը:
«Բաժանորդների թվի ավելացման, ծառայությունների, համակարգչային սարքավորումների ու հեռախոսների տեսականու աճին զուգընթաց անհրաժեշտ է ավելացնել վաճառքի և սպասարկման գրասենյակների քանակը, ինչպես մայրաքաղաքում, այնպես էլ շրջաններում: Մեզ համար բարի ավանդույթ և սեփական ձեռագիր է` գրասենյակների գեղեցիկ և պայծառ դիզայնը: Վստահ եմ, որ նոր գրասենյակի բացմամբ մեր ծառայություններից օգտվելը կդառնան ավելի դյուրին և հարմարավետ այս թաղամասի բնակիչների համար»,- նշեց «ԱրմենՏել» ընկերության Գլխավոր տնօրեն Իգոր Կլիմկոն:
Նշենք, որ Հայաստանի տարածքում գործում է 84 Beeline վաճառքի և սպասարկման գրասենյակ, որոնցից 24-ը գտնվում է մայրաքաղաքում: