Եվրամիությունը գործիքակազմ ունի գազի գները նվազեցնելու համար, դրա ներկայիս գներն անընդունելի են: Այդ մասին, հայտարարել Է Բելգիայի վարչապետ Ալեքսանդեր դե Կրոոն: «Ներկայիս գները չափազանց բարձր են, դրանք պետք Է նվազեցվեն: Մենք՝ որպես ԵՄ, ի վիճակի ենք դա անել:
Նախեւառաջ՝ միավորվել եւ գազը գնել միասին: Ինչպես մենք դա արեցինք կորոնավիրուսի դեմ պատվաստանյութերի կապակցությամբ՝ նվազեցնելով գները եւ ապահովելով մատակարարումները: Երկրորդ միջոցը միջամտությունն Է շուկաներին, երբ գները չափազանց բարձրանան: Այսօրվա գները աղերս չունեն իրականության հետ: Ուստի մեզ անհրաժեշտ Է միջամտել»,-հայտնել Է նա Բրյուսելում անցկացվող ԵՄ-ի գագաթնաժողովի երկրորդ օրն սկսելուց առաջ:
Նախօրյակին դե Կրոոն հայտարարել Է, որ Ռուսաստանի պահանջով գազի պարտավորագրերում արժույթի վերանայումը նշանակում Է, որ կարելի Է վերանայել նաեւ Էներգակիրների գները: Ռուսաստանի նախագահ Վլադիմիր Պուտինը հայտարարել Է, որ ռուսաստանյան ապրանքների ԵՄ եւ ԱՄՆ մատակարարումը եւ նրանց արժույթով վճար ստանալն իմաստ չունի, գազի վճարումը կկատարվի ռուբլով: Պուտինը հանձնարարել Է ԿԲ-ին եւ նախարարների կաբինետին՝ մեկ շաբաթվա ժամկետում որոշել Եվրոպայի հետ ռուբլով գործառնություններ կատարելու կարգը, հաղորդել Է ՌԻԱ Նովոստին:
