Վրաստանի իշխանություններն ակտիվորեն աշխատում են վրացական արտադրանքի, այդ թվում գինու իրացման համար շուկաների քանակն ավելացնելու ուղղությամբ: Այդ մասին, հայտարարել Է երկրի գյուղատնտեսության նախարար Օթար Շամուգիան:
Այսօրվա դրությամբ Ռուսաստանը Վրաստանի գլխավոր առեւտրական գործընկերն Է: Երկրների միջեւ ապրանքաշրջանառությունը 2021 թվականին կազմել Է 1,6 միլիարդ դոլար: Ռուսաստան արտահանվող հիմնական ապրանքների թվում են՝ ֆերոհամաձուլվածքները, գինին, հանքային ջրերը, ոգելից ըմպելիքներն ու մրգերը: «Մենք արդեն տարիներ շարունակ ակտիվորեն աշխատում ենք շուկաների դիվերսիֆիկացման վրա:
Գինու շուկայի զարգացման նպատակով մեր ներկայացուցիչները գտնվում են Ամերիկայում եւ ակտիվորեն աշխատում այդ շուկան յուրացնելու ուղղությամբ: Մենք նաեւ ակտիվորեն աշխատում ենք Եվրամիության երկրների, Չինաստանի եւ մյուս առաջնահերթ շուկաների հետ մարկետինգային կամպանիաների ուղղությամբ»,-ասել Է Շամուգիան՝ հանդես գալով «Իմեդի» հեռուստաալիքի եթերում:
Նրա խոսքով՝ ինքն արդեն հանդիպում Է ունեցել գինեգործների ու գինի արտահանող ընկերությունների հետ եւ քննարկել այդ երկրներում ակտիվության մեծացման հարցերը: 2021 թվականին Վրաստանը 107 միլիոն շիշ (0,75 լիտր) գինի Է արտահանել 62 երկրներ, ինչը ռեկորդային ցուցանիշ Է երկրի ողջ պատմության ընթացքում: Գյուղատնտեսության նախարարության տեղեկատվությամբ, վրացական գինի ներմուծող երկրների թվում առաջին տեղում գտնվում Է Ռուսաստանը, որտեղ արտահանվել Է ավելի քան 62 միլիոն շիշ գինի՝ արտահանման ընդհանուր ծավալի 57 տոկոսը, հաղորդել Է Sputnik-ը:
