Շվեդիայի կառավարությունը որոշում Է ընդունել պաշտպանական բյուջեն ՀՆԱ-ի մինչեւ 2 տոկոսը մեծացնելու մասին: Մարտի 10-ին կայացած մամուլի ասուլիսում այդ մասին հայտարարել Է Շվեդիայի վարչապետ Մագդալենա Անդերսոնը: «Շվեդիայի պաշտպանունակությունն զգալիորեն կուժեղացվի: Ռազմական պաշտպանության հատկացումները կավելանան մինչեւ ՀՆԱ-ի 2 տոկոսը, եւ մենք դան կհասնենք, հենց որ գործնականում հնարավոր լինի»,- պարզաբանել Է նա:
– Մենք նաեւ պետք Է ապահովենք կայուն, երկարաժամկետ եւ համահավասար ֆինանսավորում»: Շվեդիան 2021 – 2025 թվականներն ընկած ժամանակամիջոցում արդեն ռազմական հատկացումներն ավելացրել Է 27,5 միլիարդ կրոնով (3,11 միլիարդ դոլարով), այսինքն՝ 40 տոկոսով ավելի վաղ պլանավորվածի համեմատությամբ: 2014 – 2025 թվականներն ընկած շրջանում աճը կազմել Է 85 տոկոս, ինչն ամենամեծ ցուցանիշն Է 1950-ական թվականներից ի վեր ամբողջ ժամանակամիջոցում, հաղորդել Է ՏԱՍՍ-ը: