Չինաստանի իշխանություններն անցած օրն արձանագրել են կորոնավիրուսով վարակման 769 նոր դեպք, ինչը դարձել Է առավելագույն ցուցանիշը 2020 թվականի փետրվարի վերջից ի վեր: Այդ մասին են վկայում ՉԺՀ-ի Հիգիենայի եւ առողջապահության հարցերի պետական կոմիտեի՝ մարտի 7-ին հրապարակված տվյալները:
Ինչպես ճշտված Է տարածված հայտարարության մեջ, նոր հայտնաբերված ախտահարվածներից 243-ը ժամանել Է արտասահմանից: Բարձր ջերմություն, հազ եւ տկարություն Է հայտնաբերվել 327 մարդու մոտ, մնացած 442-ն անախտանիշ կրողներ են: Հրապարակված վիճակագրության համաձայն՝ վերջին յոթ օրում քովիդի ախտանիշներով հիվանդացածների քանակը, որոնք գտնվում են տեղական բժշկական հիմնարկություններում, մեկ օրում ավելացել Է միջին հաշվով 4,8 տոկոսով եւ կազմում Է 3 837 (5 861 անախտանիշ հիվանդներով հանդերձ, որոնք նույնպես տեղավորված են բժիշկների հսկողության տակ):
Նրանցից սոսկ 11-ն Է ծանր վիճակում: Այսպիսով, հիվանդանոցներում ախտահարվաների քանակով իրավիճակը նման Է 2020 թվականի մարտ ամսվա իրադրությանը, երբ Չինաստանում համավարակի առաջին եւ ամենահզոր ալիքը հաջողվեց ճնշել: Բուժում անցնողների մոտավորապես 41 տոկոսը վարակվել Է երկրի տարածքում, մնացած 59 տոկոսը ժամանել Է արտասահմանից: Պաշտոնապես ամբողջ ժամանակամիջոցում ՉԺՀ-ի մայրցամաքային մասում հիվանդացել Է 111,19 հազար մարդ՝ չհաշված անախտանիշ կրողները: ՉԺՀ-ում քովիդից մահացու վախճաններ չեն արձանագրվել անցյալ տարվա հունվարի 25-ից, համավարակի սկզբից երկրում մահացել Է 4 636 մարդ, հաղորդել Է ՏԱՍՍ-ը :
