Բելառուսը պատրաստ է բանակցությունների հարթակ տրամադրել ռուս-ուկրաինական հակամարտության խաղաղ կարգավորման համար: Ինչպես տեղեկացնում է «Բելտա»-ին, այս մասին լրագրողներին ասել է Բելառուսի նախագահ Ալեքսանդր Լուկաշենկոն:
«Հենց այսօր թող գան: Լիովին կապահովենք և կօգնենք, որպեսզի կանխենք պատերազմն ու մսաղացը: Առաջին օրը ես բանակցությունների հարթակ առաջարկեցի։ Նրանք պետք է գային հաջորդ օրը: Վլադիմիր Պուտինը զանգահարեց ինձ եւ ասաց … լավ, այնտեղ տարբեր խաղեր են գնում: Լսեք, Կիեւը, ըստ էության, շրջապատված է, եւ նրանք ճամարտակում են: Մարդիկ մահանում են, իսկ նրանք դեռ ճամարտակում են։ Բայց Ռուսաստանի նախագահի դիրքորոշումը դուք երեկ լսել եք, այն հնչեցվել է։ Նա ինձ հետ խոսել է այդ թեմայով։ Ես նրան ասացի `խնդրեմ, դուռը բաց է ցանկացած վայրում, թեկուզ՝ Անկախության պալատում։ Կապահովենք ամեն ինչով, կդիմավորենք, կպատմենք և կապահովենք անվտանգությունը: Եկեք», – հայտարարել է Ալեքսանդր Լուկաշենկոն:
