ԱՄՆ-ի Սենատը վետրվարի 17-ի երեկոյան միաձայն բանաձեւ Է ընդունել հաջակցություն Ուկրաինայի: Այդ մասին հաղորդում Է The Hill-ը: «Դա շատ կարեւոր բանաձեւ Է, որը մենք ընդունել ենք:
Այն նախաձեռնել են սենատորներ Շահինը (Ժաննա Շահին, դեմոկրատ) եւ Փորթմանը (Ռոբ Փորթման, հանրապետական), եւ այն շատ ուժեղ ազդակ Է հղում (…) այն մասին, որ Միացյալ Նահանգների Սենատը, դեմոկրատներն ու հանրապետականները (…) միասնական են Ուկրաինայի պաշտպանության գործում»,-հրատարակությունը մեջբերում Է Սենատի մեծամասնության առաջնորդ Չառլզ Շումերի խոսքը: Թերթը հիշեցնում Է, որ բանաձեւի ճակատագիրն առկախված վիճակում Էր, քանի որ ավելի վաղ հանրապետական սենատոր Ռենդ Փոլը նախազգուշացնում Էր, որ կառարկի փաստաթղթում առանց փոփոխություններ մտցնելու դրա արագ անցկացման դեմ: Քանի որ սենատորները ցանկանում Էին արագացնել բանաձեւի ընդունումը, նրանց պահանջվել Է Կոնգրեսի վերին պալատի բոլոր հարյուր անդամների աջակցությունը:
Հրատարակությունը նշում Է, որ բանաձեւի հեղինակները փոփոխություններ են մտցրել: Նրանք, մասնավորապես, ճշտել են, որ բանաձեւը, որն իրավական ուժ չունի, չպետք Է որպես թույլտվություն դիտվի Ռուսաստանի դեմ ռազմական ուժի կիրառման կամ ԱՄՆ-ի զորքերն Ուկրաինա մտցնելու համար: Բանաձեւն ընդունվել Է այն պատճառով, որ սենատորներն այդպես Էլ չեն կարողացել պայմանավորվել Ռուսաստանի նկատմամբ պատժամիջոցների վերաբերյալ երկկուսակցական օրինագծի շուրջ, որը նախաձեռնվել Է դեմոկրատ Բոբ Մենենդեսի կողմից: Միեւնույն ժամանակ հանրապետականները փետրվարի 15-ին Սենատում հրապարակել են Ռուսաստանի դեմ պատժամիջոցների շուրջ սեփական օրինագիծը, հաղորդել Է «Ինտերֆաքս»-ը:
