Կառավարությունը մտադիր է 100 տոկոս պետական բաժնեմասով «Ավտոկայան» ՓԲԸ–ն հանձնել կոնցեսիոն կառավարման։ ԱԺ նիստում ՀՀ տարածքային կառավարման և ենթակառուցվածքների փոխնախարար Արմեն Սիմոնյանը նաև հայտնեց, որ բացի Կենտրոնական ու Հյուսիսային երկու մեծ ավտոկայաններից Երևանում առկա երթակարգավորման ևս 6 կետը պետք է փակվի ու կարգավորման գործընթացը կենտրոնացնել ավտոկայաններում և ավտոբուսային կայանները բերվի բարվոք վիճակի:
«Միջազգային փորձը ցույց է տալիս, որ ավտոկայանների կոնցեսիոն, պետության հետ մասնաբաժնով կառավարումն ավելի արդյունավետ է, և սպասելի է, որ մեզ մոտ էլ դրական կազդի ավտոկայանների վատ վիճակի բարելավման վրա»,- «Առաջին լրատվականի» հետ զրույցում ասաց Ճանապարհային անվտանգության ազգային խորհրդի (ՃԱԱԽ) գործադիր ղեկավար Պողոս Շահինյանը:
Որոշման արդյունավետությունն, ըստ Շահինյանի, կախված է նրանից, թե ինչպես, ինչ մեխանիզմներով, ինչ որակի վերահսկողությամբ կկառավարվի բոլոր երթուղիների ցանցի գործունեությունը: «Այսինքն՝ գործընթացի արդյունքում իրապես բարելավվի սպասարկման որակը, որն այսօր, մեղմ ասած, տխուր վիճակում է և բարձրանա անվտանգության մակարդակը՝ ծառայելով այն նպատակին,ինչի համար այս փափոխությունը կատարվել է»,- ընդգծեց Շահինյանը:
Հարցին, թե ի՞նչ ռիսկեր կան այս գործընթացում, փորձագետն ի պատասխան նշեց. «Ռիսկերը միմիայն կապված է նրա հետ, թե արդյոք համօգտագործման թույլտվություն ունեցող կազմակերպություներն անհրաժեշտ ներդրումներն ու բարեփոխումները կանե՞ն, կարգուկանոն կհաստատե՞ն, ապօրինի գործողությունները կբացառե՞ն, բարձրակարգ սպասարկում կապահովե՞ն, թե՞ ավելի վատ իրավիճակ կստեղծվի. մի կողմից պետության վերահսկողության մակարդակը կիջնի, մյուս կողմից՝ կշարունակի վատթարանալ ներկայիս առանց այն էլ ոչ բարվոք վիճակը»,-նշեց Շահինյանը:
Նա հույս հայտնեց, որ կառավարությունը այդ ռիսկերը հաշվի առել է և կընտրի այնպիսի կազմակերպություններ, որոնք պատասխանատու կերպով կկատարեն իրենց ստանձնած պարտավորությունները:
Հարցին, թե այս փոփոխությունը կնպաստի՞, որ, օրինակ, ավտոկայանը որպես ապօրինաբար ապաստարան չծառայի, ասենք, քրեական տարրերի համար, ինչպես որ 2019թ–ի մարտի 11-ին ոստիկանության 6-րդ վարչության աշխատակիցները Երևանի Կենտրոնական ավտոկայանից հայտնաբերել են քրեական հեղինակություն Նորագյուղցի Բոգոյին (Ռուբեն Կոստանյան) առանձնասենյակը, նաև հյորանոցն իր գույքով, ինչպես նաև ապօրինի կերպով գումար էր հավաքում վարորդներից, իսկ մարտի 1-ի լույս 2-ի գիշերը պայթեցրել էր Կենտրոնական ավտոկայանի նորանշանակ տնօրենի ավտոմեքենան՝ իբրև թե ավտոկայանում կարգուկանոն հաստատելու նպատակով: