Մեկնարկել է Վրաստանի արդարադատության նախարար Ռատի Բրեգաձեի այցը Հայաստան։ Վրաստանի արդարադատության նախարարության փոխանցմամբ՝ Ռատի Բրեգաձեն հանդիպում է իր հայ գործընկեր Կարեն Անդրեասյանի հետ։ Գերատեսչության տվյալներով՝ Վրաստանը հարեւան երկրի հետ կիսվում է բարեփոխումների հաջող փորձով։ Ռատի Բրեգաձեն Կարեն Անդրեասյանին ներկայացնում է վրացական նորարարությունները՝ շարժական արդարադատության տներ, PROBBOX-ի, հողային համակարգի գրանցման բարեփոխումներ։
Այսօր Արդարադատության նախարարը և նրա տեղակալներ Թամար Տղեշելաշվիլին և Բուբա Լոմուաշվիլին, Հանրային ռեգիստրի ազգային գործակալության նախագահ Օլեգ (Բաչո) Թորթլաձեն և Հատուկ քրեակատարողական ծառայության ղեկավար Նիկա Ցխվարաշվիլին լայնածավալ շնորհանդես կանցկացնեն և հայկական կողմին մանրամասն տեղեկատվություն կտրամադրեն իրականացվող բարեփոխումների վերաբերյալ։
Այցի շրջանակներում վրացական պատվիրակությունը նախատեսում է հանդիպումներ բարձրաստիճան պաշտոնյաների հետ։ Օրակարգում նախատեսված են հանդիպումներ Հայաստանի վարչապետ Նիկոլ Փաշինյանի և խորհրդարանի նախագահ Ալեն Սիմոնյանի հետ։ Հայկական կողմը հույս ունի, որ վրացական հաջող բարեփոխումների փորձը կօգնի իրենց հաղթահարել արդարադատության ոլորտում առկա մարտահրավերները։
Վրացական պատվիրակության այցը կավարտվի հունվարի 28-ին։
