Ռուսաստանի Յամալա-Նենեցական օկրուգում եղջերվապահները մամոնտի ձագի մարմին են հայտնաբերել` հաղորդում է Lenta.ru կայքը:
Սա առաջին դեպքը չէ, երբ Յամալում մամոնտների դիակներ են գտնում: Առավել հայտնի է 2007 թ. Յուրիբեյ գետի վրա լավ պահպանված մամոնտի ձագի դիակի հայտնաբերումը: Գիտնականները նրան Լյուբա անունն էին շնորհել:
Մամոնտները վերացել են ավելի քան 8 հազար տարի առաջ: Մինչ օրս հայտնի չեն նրանց վերացման ստույգ պատճառները: Սակայն Սիբիրի և Ալյասկայի տարածքում, հավերժական սառածության պայմաններում, բազմիցս լավ պահպանված մամոնտների դիակներ են հայտնաբերվել:
