- Team Telecom Armenia–ն 25G-PON տեխնոլոգիայով ցանց է կառուցել Քաջարան համայնքում՝ Կապանից 27 կմ հեռավորության վրա:
- Հաջորդը կլինեն Ջերմուկ և Հրազդան քաղաքները:
- Օպտիկամանրաթելային գերժամանակակից տեխնոլոգիայով այս ցանցը կառուցվում է նաև Երևանի Արաբկիր վարչական շրջանում:
24 դեկտեմբերի 2021 թ., Երևան. Team Telecom Armenia-ն (ապրանքանիշը՝ Beeline) շարունակում է 25G-PON գերհզոր ցանցի ընդլայնումը Հայաստանում: Վերջին շաբաթների ընթացքում ընկերությունը կառուցեց ու շահագործման հանձնեց օպտիկամանրաթելային գերժամանակակից տեխնոլոգիայով այս ցանցը Սյունիքի մարզի Քաջարան համայնքում:
Նորագույն ցանցը արդեն հասանելի է քաղաքի ավելի քան 2000 բնակարաններում: Այսինքն՝ համայնքի գրեթե բոլոր բնակիչները, ինչպես նաև քաղաքում բիզնես գործունեություն ծավալած հարյուրավոր գործարարներ, կարող են միանալ Team Telecom Armenia-ի նոր ցանցին և վայելել ինտերնետի անգերազանցելի արագություն և որակ:
Քաջարանը փաստացի դառնում է Հայաստանում երկրորդ բնակավայրը՝ ամբողջովին վերափոխված նորագույն ցանցով։ Առաջինը՝ Վայոց Ձորի Գնդեվազն էր: Այս համայնքների, ինչպես նաև Երևանի Դավթաշեն վարչական շրջանի բնակիչներին արդեն հասանելի են «տիեզերական» COSMO փաթեթները, որտեղ ինտերնետի արագությունը հասնում է միչև 1000Մբ/վ-ը: Փաթեթները ներառում են նաև TEAM TV որակյալ IPTV ծառայություն, բջջային և ֆիքսված հեռախոսակապ։
«Մենք հավատում ենք, որ լավ ենթակառուցվածքը ոչ միայն արագ ինտերնետի երաշխիք է, այլ նաև հիանալի հիմք ՏՏ ոլորտի զարգացման համար: Սյունիքում և Հայաստանի այլ համայնքներում այս ներդրումը մենք դիտարկում ենք նաև որպես բիզնեսի սոցիալական բաղադրիչ, որը ոչ միայն կօգնի բնակիչներին զգալ արագ ինտերնետի բոլոր առավելությունները, այլ նաև կծառայի տնտեսության ու երկրի զարգացմանը», – նշեց Team Telecom Armenia-ի գլխավոր տնօրեն Հայկ Եսայանը:
Մինչև տարեվերջ արդիականացնելու են Ջերմուկ և Հրազդան քաղաքների ինչպես նաև Երևանի Արաբկիր վարչական շրջանի կապի ենթակառուցվածքները:
