Սիրիայի պատերազմի ժամանակ առանց հայր մնացած 700 երեխաների համար Դամասկոսում ամանորյա համերգ Է անցկացվել Մոսկվայից ժամանած արտիստների մասնակցությամբ:
Ինչպես լրագրողներին պատմել Է Սիրիայի Արաբական Հանրապետությունում ՌԴ խորհրդարանական պատվիրակության անդամ, Մոսկվա քաղաքի արտաքին տնտեսական եւ միջազգային կապերի դեպարտամենտի փոխղեկավար Իգոր Տկաչը, երեխաներին նվերներ են հանձնել Ռուսաստանի մայրաքաղաքի կառավարության կողմից: «Կցանկանայի Դամասկոսի երեխաների համար ստեղծել տոնական տրամադրություն: Մենք Մոսկվայի անունից նվերներ ու տոնածառներ ենք հանձնել երեխաներին:
Եվ, դե իհարկե, դա նախադրյալներ կստեղծի Մոսկվայի եւ Դամասկոսի դպրոցականների բարեկամության համար»,-ասել Է Տկաչը: Պատվիրակության կազմում, բացի Պետդումայի ներկայացուցիչներից, ժամանել Էին նաեւ Մոսկվայի կառավարության, ինքնահռչակ Դոնեցկի ժողովրդական հանրապետության աշխատակիցներ եւ «Մարտական եղբայրություն» վետերանների կազմակերպությունից հասարակական գործիչներ: Ավելի վաղ Ռուսաստանի խորհրդարանականները սիրիացի գործընկերների հետ պայմանավորվել Էին ընդլայնել մշակութային համագործակցությունը, հատկապես ռուսաց լեզվի ուսուցման մասով, հաղորդել Է ՌԻԱ Նովոստին:
