Ինչպես ավելի վաղ հայտնել ենք, Երևանի ավագանու «Իմ քայլը» խմբակցությունը քաղաքապետ Հայկ Մարությանին անվստահություն հայտնելու գործընթաց է սկսել:
Բնականաբար հիմա շատերին է հետաքրքրում, թե որն է Հայկ Մարությանի հրաժարականը պահանջելու պատճառը։ Իսկ պատճառն իրականում մեկը չէ, բազմաթիվ են ։
Ըստ armenianews.net-ին հասած տեղեկությունների՝
- 1) Պատերազմից հետո՝ 2020 թվականի նոյեմբերին Հայկ Մարությանը ՔՊ-ից դուրս գալու դիմում է ներկայացրել։
- 2) Հայկ Մարությանը նեղ շրջանակներում մի քանի անգամ ասել է, որ կապ չունի, թե այս իշխանությունը կռիվ է տվել Արցախը պահելու համար, միևնույն է պատերազմը պարտվել են, իսկ ինքը չի պատրաստվում պատերազմը պարտված Նիկոլ Փաշինյանի հետ պատասխանատվություն կրել։
- 3) Մի քանի օր առաջ մամուլը գրեց, որ Մարությանը վերջերս ակտիվ հանդիպումներ է ունենում քոչարյանական գեներալների հետ, չի բացառվում որ նա հանդիպել է նաև Ռոբերտ Քոչարյանի հետ։ Եվ չնայած Մարությանի խոսնակը հերքեց Մարությանի և Քոչարյանի հանդիպման մասին լուրերը, ի սկզբանե պարզ էր, որ Մարությանը անգամ եթե հանդիպել էր Քոչարյանի հետ, դրա մասին չէր հայտարարի և ամեն ինչ կաներ դա հերքելու համար։
- 4) Հայ Մարությանը առաջինն էր, որ սկսեց բաժանել ժողովրդին սևերի և սպիտակների՝ դրանով իսկ ատելության քարոզ անելով։
- 5) Երևանի քաղաքապետը նաև քաղաքապետ դառնալուց հետո մի քանի անշարժ գույք է ձեռք բերել, բայց որքան էլ զարմանալի է, ոչ Հայաստանում։ Մարությանն անգամ իր իսկ ղեկավարած համայնքում ներդրումներ չի անում, նախընտրում է դրանք անել իր համար արդեն հարազատ դարձած Չեխիայում։ Իսկ մի անգամ նույնիսկ ավագանու ու թաղապետերի ներկայությամբ ասել է, որ «խելացի մարդը էս երկրում ներդում չի անի»։
- 6) Մարությանը ավելի շատ արձակուրդում է լինում, քան աշխատանքի։ Մարությանն իր անձնական հանգիստ էլ ավելի է վեր դասում, քան Երևանի քաղաքապետի պաշտոնում իր իսկ ստանձնած պատասխանատվությունը։ Իսկ քաղաքում չլուծված խնդիրներն անհամար են։
- 7) Վաղուց արդեն մամուլում կան տեղեկություններ քաղաքապետարանում չարաշահումների մասին։ Անգամ կան հարուցված բազմաթիվ քրեական գործեր։
- 8) Մարությանը վերջերս հայտարարել է, որ մյուս ընտրություններին չի պատրաստվում գնալ ՔՊ-ի հետ։ Եվ սա է հավանաբար այն հիմնական պատճառը, որ ավագանին պատրաստվում է անվստահություն հայտնել Հայկ Մարությանին։
Ավելի մանրամասն՝ սկզբնաղբյուր կայքում
