«Առաջին լրատվական»-ը Երևանի քաղաքացիներից հարցրել է, թե ինչ կարծիք ունեն Ազգային ժողովում իշխանության և ընդդիմության ներկայացուցիչների միջև երեկ տեղի ունեցած և պարբերբար կրկնվող ծեծով, հայհոյանքով հարցեր լուծելու,փոխադարձ մեղադրանքերով արդարանալու երևույթի վերաբերյալ,թե ինչու Հայաստանի համար այս ծանր ու բարդ իրավիճակում չեն կարողանում կառուցողական, հանդուրժողական կերպով լուծել ծագած խնդիրները՝ հանուն պետության-ազգային շահերի և բացասական ինչ հետևանքներ կարող է առաջացնել։
Հարցմանը մասնակից քաղաքացիները անխտիր խիստ դատապարտեցին,որ այսպիսի պառակտվածությունը, ազգը ներկայացնող բարձրագույն մարմնի փողոցային,խուլիգանական պահվածքը ամոթալի խայտառակություն է, անհարիր Հայաստանի նկարագրին, վարկին ու հեղինակությանը, ազգակործան և պետությունը քայքայող երևույթ են, որը օգուտ է տալիս միմիայն մեր թշնամիներին՝մեզ նորանոր կորուստնրի և ճնշումների դատապարտելու, պարզապես թիկունքից հարված է սահման պահող զինվորին, բացի այդ՝ նպաստում է հասարակության մեջ դրական փոփոխության, ապագայի հանդեպ հուսալքության, հիասթափության տրամադրությունների խորացմանը Հարցվողների մեծ մասը համոզված է,որ սա պարզ աթոռի, նեղ անձնական շահերի համար մղվող կռիվ է, որտեղ ազգային,պետական շահերի մասին խոսք լինել չի կարող։
Մի քանիսն էլ համոզմունք հայտնեց,որ այս անհամերաշխության գլխավոր պատճառն այն է,որ այս խորհրդարանական ընդդիմությունը հետապնդում է ռևանշիստական ,իշխանությունը զավթելու նպատակ,որին հասնելու համար պատրաստ է ամեն ինչի, ամեն հակապետական քայլի՝ այդպիսով ծառայելով թշնամու շահերին, հետևաբար պետք է ընդդիմությունը վերջ տա այդպիսի վարքագծին։ Բացառապես բոլոր քաղաքացիները կոչ արեցին դադարել ներքին թշնամիներ փնտրել, անձնական շահերը ստորադասել և միահամուռ ուժերով, համախմբվածությամբ պայքարել արտաքին թշնամու դեմ, փորձել երկիրը ոտքի կանգնեցնել այս անկյալ, նվաստացուցիչ վիճակից։
