Տեղամասերում «սև կուրտկով» տղեն Քոչարյանն էր, որին իշխանությունը բերեց մեծ հրապարակ

Համապետական ընտրություններից 6 ամիս անց 54 տոկոս քվե ստացած իշխանությունը 38 համայնքներից շատերում պարտություն է կրում։ Սա կարող է հետևյալ բացատրությունները ունենալ․ «Ժողովուրդը հաշտ չէ երկրում ՔՊ միանձնյա կառավարման հետ, Նիկոլ Փաշինյանը տեղական մակարդակում մոնոպոլ իշխանություն չի ուզում հաստատել, իշխանության մրցակիցները պարզապես Քոչարյանն ու Սարգսյանը չեն եղել, գործ ունենք դասական ժողովրդավարության սկզբունքների հետ»։ Քաղաքագետ Ռոբերտ Ղևոնդյանի կարծիքով՝ այս բոլորն էլ որոշ բացառություններով ստեղծված իրավիճակի բացատրությունն են։ Արմեն Մարտիրոսյանն էլ պնդել է՝ սա ժողովրդավարություն է, և լավ է, որ երկրում ՏԻՄ մակարդակում գոնե մոնոպոլ կառավարում չկա։