Վայրի թռչունների շրջանում բարձրախտածին գրիպի օջախ Է հայտնաբերվել Կորեայի Հանրապետությունում, ինչի պատճառով իշխանությունները վախենում են երկրի թռչնաֆերմաներում վարակի տարածումից: Նոյեմբերի 2-ին այդ մասին հայտնել Է պարենի, գյուղատնտեսության եւ անտառային տնտեսության նախարարությունը:
Նախարարության տվյալներով՝ հիվանդության օջախը հայտնաբերվել Է Չհունչհոն Նամդոյի նահանգի Չհոնան քաղաքում: Դա երկրում առաջին նման դեպքն Է վերջին յոթ ամսվա ընթացքում:
Այդ առանչությամբ վարակի տարածման վտանգի նախազգուշաման մակարդակը բարձացվել Է մինչեւ առավելագույնը, սահմանվել Է լիակատար կարանտին վարակված թռչունների հայտնաբերման վայրից 500 մետր շառավղով: 21 օրվա ընթացքում սահմանափակված Է երթեւեկը մերձակա թռչնաֆերմաների միջեւ:
2016 թվականի նոյեմբերին բարձրախտածին շտամի վիրուսը հանգեցրեց թռչունների զանգվածային համաճարակի: Կորեայի Հանրապետությունում հետագա չորս ամսում ոչնչացվեց 38 միլիոն թեւ թռչուն, ինչը հանգերեց դեֆիցիտի եւ գների կտրուկ աճի, հաղորդել Է ՏԱՍՍ-ը:
