ԱԺ ՔՊ խմբակցության պատգամավոր Վաղարշակ Հակոբյանը կարծում է, որ պատմությունը կրկնվելու հատկություն ունի․ «Իմ հոտառությունը ասում է՝ ԱԺ ծեծկռտուքը և ծեծկռտուքի արդյունքը կրկնվելու է: Խորհրդարանական ընդդիմությունը նույնիսկ ծեծը չկարողացավ քաղաքականացնել»:
Ըստ պատգամավորի «Հայաստան» խմբակցությունը ժողովրդի կյանքը բարելավելու ցանկություն չունի․ «Նրանք գերի են Քոչարյանի ձեռքում, նրանց պետք է կարեկցել: «Հայաստան» խմբակցության պատգամավորները դարձել են Քոչարյանի կամակատարը․ նրանց վրա կոմպրոմատներ կան: Նրանցից շատերը տգետ ստախոսներ են»:
Պատգամավորը նաև հույս հայտնեց, որ խորհրդարանական ընդդիմությունից որոշները կազատվեն արյունարբուների քաղաքական գերությունից:
