Թեստավորվելն ավելի ճիշտ է, քան պատվաստվելը: Այս մասին Գյումրիում «Առաջին լրատվական»-ի փողոցային հարցումների ժամանակ ասաց գյումրեցի մի կին: «Դեմ եմ պատվաստվելուն, որովհետև հստակ գիտական ապացուցված բան չկա դրա համար»,-ասաց նա: Գյումրեցիներից մի տղամարդ նշեց, որ հենց վաղը գնում է պատվաստման, իսկ մի կին էլ ասաց, որ շուտով ստանալու է պատվաստման երկրորդ դեղաչափը:
Գյումրեցիներից ոմանք կտրականապես դեմ են պատվաստմանը, որոշները դեմ չեն, սակայն դեռ կամուկացի մեջ են՝ պատվաստվել, թե ոչ: Մյուսներն արդեն պատվաստվել են: «Ես ինքս չեմ պատվաստվել, աշխատանքի վայրում ստիպում են, որ պատվաստվեմ: Հիմա ես հրաժարվել եմ: Պրոբլեմներ են ստեղծել գործի բնույթով, բայց եթե ես առողջ եմ, ինձ ոչ միբ գրող չի կարող կպնել: Մարդ կա իմունիտետից թույլ է, բայց ես նորմալ եմ»,-ասաց մի երիտասարդ գյումրեցի: Հարցին, թե արդյոք ինքը պատասխանատվություն չի կրում հանրային առողջության համար, նա պատասխանեց. «Իսկ հանրությունն այսքան ժամանակ իմ մասին մտածե՞լ է: Ես ճիշտն ասած, վախենում եմ, որովհետև չգիտեմ՝ ինչ են սրսկելու: Հազարումի հիվանդություն կա: Քանի կա, թող սենց մնանք, երբ պահը գա հասնի ոսկորին, էն ժամանակ կմտածենք, մեռանք՝ մեռանք, ինչ ասեմ»:
