Իսրայելի առողջապահության նախարարության ներկայացուցիչները հաղորդել են մուտացիայի ենթարկված «Դելտա» AY.4.2 շտամի առաջին հայտնաբերված դեպքի մասին։ Ավելի վաղ այդ շտամի մասին հայտնել էին եվրոպական մի քանի երկրներ։ Այս մասին հոկտեմբերի 19 -ին հայտնել է The Times of Israel-ը:
«Հիվանդը 11-ամյա տղա է, ով օդանավակայանում թեստի դրական պատասխան է ստացել Մոլդովայից վերադառնալիս»,-ասված է նախարարության հաղորդագրության մեջ:
Առողջապահության նախարարության ներկայացուցիչները պարզում են, թե ինչ արագությամբ է տարածվում նոր շտամը: Երեխան այս պահին մեկուսացված է, երկիր վերադառնալուց հետո որևէ մեկի հետ կապ չի ունեցել և գտնվում է բժիշկների հսկողության ներքո:
Ավելի վաղ Մեծ Բրիտանիայի վարչապետ Բորիս Ջոնսոնի խոսնակն ասել էր, որ AY.4.2-ի բարձր տարածվածության ապացույցներ չկան: