Լրագրողների հետ հանդիպմանը ՀՅԴ Հայ դատի և քաղաքական հարցերի պատասխանատու Կիրո Մանոյանն անդրադարձավ նաև Թուրքիայի իշխանությունների սպառնալիքներին՝ միջամտելու Սիրիայի ներքին գործերին ու «Թուրքիայի ներքին գործերն իմ ներքին գործերն են» հայտարարությանը:
Նրա խոսքով՝ չի բացառվում, որ Թուրքիան մոտ ապագայում ռազմական գործողություններ իրականացնի Սիրիայում:
«Թուրքիան անուղղակի մասնակից է Սիրիայում ընթացող գործողություններին, և նրա այդ քայլը, պարզ է, որ դժգոհություն կառաջացնի միջազգային հանրության ու ԱՄՆ-ի մոտ, որը դեռ չի բարձրացրել Ասադի լեգիտիմության հարցը»,- ասաց Կ. Մանոյանը:
Նրա կարծիքով՝Թուրքիայի միջամտությունը մեր տարածաշրջանում կարող է բացասական ազդեցություն ունենալ, քանի որ եթե վերջինս միջամտի, ու նրա քայլերը միջազգային հանրության կողմից համարժեք պատասխան չստանան, դա կնշանակի, որ Թուրքիան ցանկացած պահի կարող է միջամտել իր հարևան երկրների, օրինակ՝ Իրաքի կամ այլ հարևան պետության գործերին:
