Թուրքիայի էներգետիկայի եւ բնական պաշարների նախարար Ֆաթիհ Դոնմեզը հայտնել է, որ Ադրբեջանն ու Թուրքիան պայմանավորվել են Բաքու-Թբիլիսի-Էրզրում խողովակաշարով լրացուցիչ 11 միլիարդ խորանարդ մետր բնական գազի մատակարարման շուրջ:
Այս մասին, հայտնում է թուրքական «Անադոլու» լրատվական գործակալությունը:
Նրա փոխանցմամբ՝ համաձայնագիրը գործելու է մինչև 2024 թվականի վերջ:
«Բնական գազի պահանջարկը բավարարելու շուրջ բանակցությունները, որոնք ձմռանը մոտենալուն զուգահեռ կաճեն, լավ են ընթանում: Փաստորեն, գազ արտահանող երկրների իշխանությունները հայտարարել են, որ Թուրքիային կապույտ վառելիքի մատակարարումը կավելանա: Այդ իրադարձությունների շրջանակում մենք Ադրբեջանի հետ պայմանագիր ստորագրեցինք Բաքու-Թբիլիսի-Էրզրում գազամուղով լրացուցիչ ծավալների մատակարարման մասին մինչև 2024 թվականը. խոսքը 11 միլիարդ խորանարդ մետրի մասին է »,- ասել է Դոնմեզը:
