Արտաքին քաղաքականության իմաստով այսօր իրենց ըննդիմություն հռչակածները փորձում են օգտագործել արտաքին ազդեցությունները ներքին խժդժություններ բարձրացնելու նպատակով: Այս մասին «Առաջին լրատվական»–ի հետ զրույցում նշեց քաղաքագետ Էմիլ Օրդուխանյանը:
«Նրանք այդ նպատակը երբևէ չեն էլ թաքցրել: Նույնիսկ խորհրդարան անցնելով նրանք նշեցին, որ այս խորհրդարանը 1,5 տարվա կյանք պետք է ունենա: Իրենց պարագայում նպատակը պետք է արդարացնի միջոցները, իսկ այդ միջոցներից մեկը փողոցն ակտիվացնելն է, իրավիճակը թեժացնելը: Կարծում եմ՝ դրա նախադրյալներն իրականում չկան, սա արհեստականորեն խթանվող գործընթաց է: Այստեղ նաև հանրության մոտեցումից է շատ բան կախված: Կա խորհրդարան, այնտեղ մրցակցեք ձեր գաղափարներով, օգտվեք ձեր պատգամավորական մանդատներից: Կարող եք հասնել նրան, որ հասարակության մոտ փոխվի պատկերացում և հետագայում ընտրական պրոցեսով փոխեք նաև իշխանության մեջ ուժերի հաշվեկշիռը: Այլ տարբերակ ժողովրդավարական պետություներում ուղղակի չեն լինում»,-ասաց նա:
