Ուկրաինայի նախագահ Վոլոդիմիր Զելենսկին պաշտոնից ազատել է Հայաստանում, Լիտվայում, Բրազիլիայում, Եգիպտոսում և Տաջիկստանում ու Աֆղանստանում հավատարմագրմած դեսպաններին:
Հայաստանում Ուկրաինայի արտակարգ և լիազոր դեսպան Իվան Կուլեբան այդ պաշտոնը զբաղեցնում էր 2019 թ. դեկտեմբերի 24-ից:
Մինչ այդ նա զբաղեցրել էր Ղազախստանում և Չեխիայում Ուկրաինայի դեսպանի պաշտոնը:
«Առաջին լրատվական»-ի տեղեկություններով՝ Իվան Կուլեբայի ազատման պատճառը քաղաքական չէ, տեղի է ունենում ռոտացիա։ Դեկտեմբերին լրանում է նրա պաշտոնավարման ժամկետը, հենց այդ ժամանակ էլ դեսպան Կուլեբան կլքի Հայաստանը։ Հայաստանում Ուկրաինայի նոր դեսպանի անունն առայժմ հայտնի չէ։