Հանուն Հանրապետության Կուսակցության պատվիրակությունը նախագահ Արման Բաբաջանյանի գլխավորությամբ այցելել է Հայաստանի Հանրապետությունում Ամերիկայի Միացյալ Նահագների Դեսպանություն, որտեղ տեղի է ունեցել հանդիպում ՀՀ-ում ԱՄՆ դեսպանության քաղաքական և տնտեսական հարցերով պատասխանատու Քիմ Զափֆելի հետ։ Հանդիպմանը մասնակցել են նաև կուսակցության փոխնախագահ Ռուբեն Մեհրաբյանը և արտաքին գործերի քարտուղար Առնոլդ Բլեյանը։
Հանդիպման ընթացքում կուսակցության պատվիրակությունը ներկայացրել է իր տեսակետը Հայաստանում ներքաղաքական գործընթացների, տարածաշրջանում և դրա շուրջ ծավալվող զարգացումների վերաբերյալ։ Քննարկվել են լայն շրջանակի հարցեր, կապված տարածաշրջանային անվտանգության, հետպատերազմական զարգացումների և մարտահրավերների, նրանց հաղթահարման ուղիների հետ: Անդրադարձ է կատարվել Հայաստան-Թուրքիա և Հայաստան-Ադրբեջան հարաբերությունների հեռանկարներին, որոնցից է Վրաստանի առաջարկած Խաղաղ հարևանության նախաձեռնությունը:
Կուսակցության պատվիրակությունը կարևորել է պաշտոնական Վաշինգտոնի՝ Լեռնային Ղարաբաղի հակամարտության կարգավորմանն ուղղված ԵԱՀԿ Մինսկի Խմբի եռանախագահության ջանքերին սատարելուն, տարածաշրջանում տևական խաղաղություն և կայունություն հաստատելուն, Հայաստանի ինքնիշխանության ամրապնդմանն ուղղված դիրքորոշումը, որոնցից է դեսոան Լին Թրեյսիի ակտիվ գործունեությունը Սյունիքի զարգացամն և ամրապնդման ուղղությամբ:
Քննարկվեցին հայ-ամերիկյան երկկողմ հարաբերությունների օրակարգի մի շարք հարցեր։ Հանդիպումն անցավ անկեղծ և ջերմ մթնոլորտում։
Հանուն Հանրապետության Կուսակցության Մամլո ծառայություն
