Այսօր Մարդու իրավունքների Եվրոպական դատարանում ՀՀ քաղաքացիների շահերի պաշտպան Արա Ղազարյանից հետաքրքրվեցինք, թե Եվրադատարանի վճիռների արդյունքում ՀՀ բյուջեն մինչ օրս որքան վնաս է կրել: Նրա խոսքերով , վերջին 9 տարիների կտրվածքով 2009 թ. պաշտոնական վիճակագրությամբ 129 հազար եվրո: 9 տարիների կտրվածքով չնչին է՝ համեմատած մյուս տարիների հետ: Համեմատության կարգով նշենք, որ ամենաշատը փոխհատուցել է Մոլդովան՝ 14 միլիոն 218 հազար 626 եվրո , այնուհետև Ռուսաստանը ՝ 7 միլիոն 249. 800 եվրո: Ռուսաստանին փոխհատուցում են Թուրքիան, Իտալիան , Պորտուգալիան, Հունաստանը և Բուլղարիան:
«Սակայն վերջին տվյալներով՝ Հայաստանի ընդհանուր վճիռների գումարը կազմում է 144 հազար 275 եվրո, որը, համեմատած մյուս պետությունների հետ, մինիմալ է: Մի քանի տասնյակ գործեր կան, որ սպասում են իրենց վճիռներին: Իսկ, ընդհանուր առմամբ, Եվրադատարանը 2009թ. բոլոր պետություններից շահել է 53 միլիոն 600 հազար 785 եվրո»-տեղեկացրեց Արա Ղազարյանը:
Մեր այն հարցին կա՞ն նախադեպեր, որ դատավորը վերականգնի պետության հասցված վնասը, Արա Ղազարյանը պատասխանեց, որ նման նախադեպեր իրեն ծանոթ չեն: Ավելին՝ կարծում է, որ դա սխալ մոտեցում է, որովհետև դա լրջորեն կազդի դատարանների անկախության վրա: «Չի կարելի դատավորի սխալ որոշման համար պատժել նրա ընտանիքին»,- ավելացրեց Արա Ղազարյանը:
Պատասխանելով այն հարցին, թե, համեմատած մյուս պետությունների հետ, ինչո՞ւ է Հայաստանի դիմումների քանակը քիչ, Ղազարյանն ասաց. «Դժվար է պատասխանել՝ կա՛մ Եվրադատարնին քիչ են վստահում, կա՛մ ժամկետներն այնքան երկար են, որ քաղաքացիները անարդյունավետ են համարում, կա՛մ էլ մեծ մասի վեճերը լուծվում են այստեղ՝ Հայաստանում, ինչի արդյունքում գործերը Եվրադատարան չեն գնում»:
Ի դեպ, սրանք պաշտոնկան վճիռներն են: Վճիռները պետք չէ շփոթել հաշտության համաձայնությունների հետ, քանի որ դրանք հնարվոր չէ հաշվել:
