ՄԱԿ-ի գլխավոր քարտուղար Անտոնիու Գուտերեշը խստորեն դատապարտել է Գվինեայում տեղի ունեցած ենթադրյալ հեղաշրջումը, կոչ արել անհապաղ ազատ արձակել երկրի նախագահին։
«Ես ակնդետ հետևում են Գվինեայում տիրող իրավիճակին։ Վճռականորեն դատապարտում եմ զենքի ուժով կառավարության զավթման ցանկացած փորձ և կոչ անում անհապաղ ազատ արձակել նախագահ Ալֆա Կոնդեին»,-գրել է Գուտերեշն իր թվիթերյան էջում։
Գվինեայում զինված ապստամբները հայտարարել են երկրի ողջ տարածքում պարետային ժամ սահմանելու մասին, փոխանցում է France Presse-ը։
Կիրակի ապստամբների առաջնորդ, գնդապետ Մամադի Դումբույան հայտարարել էր կառավարության արձակման, գործող սահմանադրության չեղարկման և երկրի սահմանների փակման մասին։ Իր հերթին Գվինեայի ՊՆ-ն հայտարարել էր, որ նախագահ Ալֆա Կոնդեի պաշտպանությունը հետ է մղել ապստամբների հարձակումը նրա նստավայրի վրա։ Ավելի ուշ Դումբույան հայտնել էր, որ նախագահը գտնվում է զինված ապստամբների վերահսկողության տակ՝ անվտանգ վայրում։
