Գվինեայի Հանրապետությունում պետական հեղաշրջման փորձ է կատարվել: Այս մասին իր պորտալում հայտնել է Jeune Afrique ամսագիրը:
Իր հերթին, Reuters գործակալությունը հայտնում է, որ զինված զինվորականներ են գտնվում Գվինեայի մայրաքաղաք Կոնակրիի նախագահական պալատի դիմաց: Նրա խոսքով՝ միակ մայրուղին, որը Կոնակրի հյուսիսից տանում է դեպի կառավարական թաղամաս, որտեղ գտնվում է նախագահական պալատը, արգելափակել են զինվորները։ Բարձրաստիճան պաշտոնյան գործակալությանը հայտնել է, որ Գվինեայի նախագահ Ալֆա Կոնդեն ողջ և առողջ է: Reuters- ի զրուցակիցը այլ մանրամասներ չի ներկայացրել։
Ավելի վաղ Agence France-Presse-ը հայտնել էր, որ կիրակի օրըավտոմատ կրակոցներ են արձակվել Կոնակրիի կառավարական թաղամասում: Փողոցներում ներկա են բազմաթիվ զինվորներ: ԶԻնվորները պահանջում են, որ մարդիկ անմիջապես վերադառնան իրենց տները և չլքեն դրանք: