ԱՄՆ կատարած պաշտոնական այցի ընթացքում Ուկրաինայի նախագահ Վլադիմիր Զելենսկուն նվիրել են «Գանգուղեղային թեթև վնասվածք» գիրքը:
Ուկրաինացի առաջնորդին նման նվեր է մատուցել ամերիկյան կոնգրեսվումեն-դեմոկրատ Մարսի Կապուրը, հայտնել է ուկրաինական Bykvu պորտալը:
Գիրքը հրատարակել է ամերիկա-ուկրաինական բժշկական հիմնադրամը (AUMF)։ Դրա տվյալներով՝ ձեռնարկում նկարագրված են գանգուղեղային վնասվածքների բուժման եղանակները։
Բացի այդ, ձեռնարկում ներկայացված են առաջարկություններ խոսքի պաթոլոգիայի մասնագետների համար, որոնք զբաղվում են գանգուղեղային վնասվածքներ ստացած զինծառայողների ռեաբիլիտացիայով:
Մեկ օր առաջ ՌԴ ԱԳՆ պաշտոնական ներկայացուցիչ Մարիա Զախարովան հեգնանքով է արձագանքել ուկրաինական պետության ղեկավարի համար նվերի մասին տեղեկատվությանը: Նրա խոսքով ՝ «գիրքը լավագույն նվերն է, որքան էլ տարօրինակ լինի»։
Զելենսկին աշխատանքային այցով գտնվում է ԱՄՆ-ում, որտեղ ավելի վաղ հանդիպում է ունեցել ԱՄՆ նախագահ Ջո Բայդենի հետ: Առաջնորդների բանակցությունները կայացել են սեպտեմբերի 1-ին Սպիտակ տան Օվալաձև աշխատասենյակում: Հանդիպումը տևել է ավելի քան երկու ժամ և ավարտվել առանց ամփոփիչ համատեղ մամուլի ասուլիսի:
