Սպիտակ տան մամուլի քարտուղար Ջեն Պսակին ճեպազրույցի ժամանակ ասել է, որ ԱՄՆ -ն ի վիճակի չէ ազդել Ուկրաինայի անդամակցության մասով ՆԱՏՕ-ի որոշման վրա: Այդուամենայնիվ, նա նշել է դաշինքին անդամակցության պայմանները, գրում է «ՌԻԱ Նովոստին»:
«ՆԱՏՕ-ի դռները պետք է բաց մնան նրանց համար, ովքեր ցանկանում են անդամակցել կազմակերպությանը՝ պայմանով, որ նրանք կատարեն իրենց պարտավորությունները և նպաստեն եվրատլանտյան տարածաշրջանում անվտանգության ապահովմանը»,-ասել է Պսակին: Այսպիսով, նա մեկնաբանել է Ուկրաինայի նախագահ Վլադիմիր Զելենսկու խնդրանքը՝ ներկայացնելու Ուկրաինայի ՆԱՏՕ անդամակցության ԱՄՆ-ի տեսլականը։
Պսակին ընդգծել է, որ դաշինքին անդամակցելու վերաբերյալ որոշումը մնում է բուն կազմակերպության վրա, այլ ոչ թե Վաշինգտոնի:
