Այս պահին ուսուցիչների 46%-ը լիովին պատվաստված է: «ԻնտերպրեսՆյուզ»-ին հայտնել են Վրաստանի կրթության և գիտության նախարարությունից:
Ինչպես նշում են գերատեսչությունում, պատվաստված ուսուցիչների թիվն օրեցօր ավելանում է:
«Պատվաստման մակարդակը բարձր է ոչ միայն նախարարությունում, այլև բուհերում և հանրակրթական հաստատություններում: Վերջին մեկ ամսվա ընթացքում պատվաստված ուսուցիչների թիվը 9%-ից հասել է 46%-ի, և նրանց թիվն օրեցօր աճում է»,- հայտնել են Կրթության նախարարությունից:
Ինչպես ավելի վաղ հայտնել էինք, Վրաստանի կառավարությանը կից գործող միջգերատեսչական խորհրդի որոշմամբ դպրոցներում ուսումնական գործընթացը հեռավար կարգով կմեկնարկի սեպտեմբերի 15-ից և կշարունակվի մինչև հոկտեմբերի 4-ը:
