ԱՄՆ Կալիֆորնիա նահանգում կինը մերկ ձեռքներով կարողացել է պաշտպանել որդուն նրա վրա հարձակված կատվառյուծից։ Այս մասին հայտնում է CBS Los Angeles հեռուստաալիքը։
Դեպքը տեղի է ունեցել Կալաբասաս քաղաքում։ 5-ամյա տղան խաղալիս է եղել տան բակում, երբ հանկարծ նրա վրա է հարձակվել կատվառյուծն ու մոտ 40 մետր քարշ տվել։ Երեխայի ճիչը լսելով՝ մայրը դուրս է վազել տնից ու սկսել դնգստել կենդանուն։ Կնոջը հաջողվել է փախուստի մատնել գիշատչին։
Երեխային տեղափոխել են հիվանդանոց։ Նա վնասվածքներ ունի գլխի, պարանոցի և իրանի հատվածում։ Բժիշկները նրա վիճակը գնահատում են կայուն։
Իշխանությունների հաղորդմամբ՝ բնության պահպանության ծառայության աշխատակիցները սպանել են կենդանուն։ Այդ շրջանում մարդու վրա կատվառյուծի հարձակման մասին վերջին անգամ հաղորդվել էր ավելի քան 2 տասնյամյակ առաջ։
