Բրիտանացի սննդաբան Թամարա Ուիլները ասել է, որ ավելորդ քաշից ձերբազատվելու համար մարդը կարող է իրեն շատ չսահմանափակել ամեն ինչում: Այս մասին գրում է Daily Mail-ը:
Ըստ փորձագետի՝ սննդի բաղադրությունն ավելի կարևոր է, քան կալորիականությունը:
«Դա ցույց տալու համար համեմատենք 500 կիլոկալորիա քաղցրավենիքը և բլիթները և 500 կիլոկալորիա հավը և ավոկադոն: Չնայած դրանք ունեն միևնույն կալորիաները, սակայն հավից ու ավոկադոյից մենք ավելի շատ վիտամիններ, հանքանյութեր և բջջանյութ ենք ստանում», – բացատրում է սննդաբանը:
Նա հավելել է, որ մեր սննդակարգում զանազան վիտամիններ և հանքանյութեր օգտագործելը նպաստում է լավ քնին, ինչն ուղղակի և անուղղակի կերպով ազդում է քաշի վրա:
Ուիլները կարծում է, որ գոյություն ունի միջոց ուտել ավելի շատ և, միևնույնն է, նիհարել: Դրա համար հարկավոր է ցածր կալորիականությամբ դիետիկ մթերքները փոխարինել ավելի առողջարար այլընտրանքներով, նույնիսկ եթե դրանք ավելի մեծ կալորիականություն ունեն:
Նա մի քանի օրինակ է բերել. մասնավորապես, մի քանի կրեկերի (40 կկալ) փոխարեն ավելի լավ է ուտել կես ավոկադո (161 կկալ), ոչ յուղալի կարագով (280 կկալ) մի քանի տոստի փոխարեն՝ վարսակի բլիթներ հապալասով և մի գդալ յոգուրտով (410 կկալ), յուղազերծված կաթով և արհեստական քաղցրացուցիչով սուրճի փոխարեն (40 կկալ)՝ սովորական կաթով սուրճ (100 կկալ), իսկ մեկ բաժակ առանց շաքարի կոլայի փոխարեն՝(0 կկալ)՝ 1 բաժակ կաթ (110 կկալ):