Լեհաստանում սկսվում է կորոնավիրուսային համավարակի չորրորդ ալիքը: Այս մասին չորեքշաբթի՝ օգոստոսի 25 -ին, «Լեհական ռադիոյի» եթերում հայտարարել է վարչապետի գրասենյակի ղեկավար Միխալ Դվորչիկը, որը պատասխանատու է երկրում պատվաստումների համար:
Դվորչիկը պարզաբանել է, որ իշխանություններն արդեն պատրաստել են տարբեր սցենարներ, այդ թվում՝ տեղական մակարդակում սահմանափակումների ներդրման հետ կապված՝ կախված առանձին շրջաններում դեպքերի քանակից և պատվաստումների մակարդակից: Սակայն կոնկրետ որոշումներ դեռ չեն կայացվել։
Լեհաստանն արդեն անցել է համավարակի երեք ալիք: Ապրիլի 1 -ին գրանցվել է դեպքերի օրական թվի ռեկորդ ՝ ավելի քան 35 հազար մարդ է հիվանդացել: Մայիսին իրավիճակը կայունացաել է, ամբողջ ամառ աճը վարակման օրական 100-200 դեպքերի մակարդակում էր:
