Տավուշի մարզպետարանն արձագանքել է տարածվող տեղեկությանը, թե Տավուշի մարզի սահմանագոտուց բնակչության տարահանում է նախատեսվում:
Տավուշի մարզպետարանը շեշտում է, որ տարածվող տեղեկատվությունը իրականության հետ որևէ առնչություն չունի:
«Շրջանառվող այն տեղեկատվությունը, ըստ որի իբր Տավուշի մարզի սահմանագոտուց բնակչության տարահանում է նախատեսվում, իրականության հետ որևէ առնչություն չունի:
Տավուշի մարզպետի 2021թ. օգոստոսի 19-ի թիվ 246-Ա որոշմամբ Տավուշի վտանգավոր տարածքներից բնակչության տարահանման պլանի նոր խմբագրության մեջ փոփոխություն է կատարվել, որով պաշտոնատար անձանց անունները փոխարինվել են պաշտոնների անվանումներով: Այլ փոփոխություններ չեն կատարվել:
Տավուշի վտանգավոր տարածքներից բնակչության տարահանման պլանը գործում է ՀՀ Կառավարության 2011թ. օգոստոսի 18-ի որոշման պահանջներով»,- ասված է հաղորդագրության մեջ:
Տավուշի մարզպետարանի կայքում հրապարակվել է մարզպետ Հայկ Ղալումյանի որոշումը Տավուշի մարզի վտանգավոր տարածքներից բնակչության տարհանման պլանը նոր խմբագրությամբ շարադրելու մասին:
